Terpuk Ras Orat Nggeluh Kalak Karo

Situhuna lenga bo jelas bas ise nari nge mbagi-mbagisa terpok/wilayah orat nggeluh kita kalak Karo entah bas perjabun, majekken mengket rumah adat mbaru, acara kepaten, ras sidebanna ibas kegeluhen kita kalak Karo nai nari.
Tapi si memang nyata, emkap makana kenca daerah- daerah kita Karo sibage belangna i kunduli jajahan Belanda, maka daerah Karo ibagi bagi ibas administrasi pemerintahan siberlainen. mungkin maksudna gelah perukuren kalak Karo ula ersada, nginget belanda bas abad XIX ras permulaan abad XX, kalak Karo terus menerus memerangi posisi bnelanda ras tuan – tuan kebun.Ternyata tujuan Belanda enda lit lit ulihna , sebab usur kakin sapih- sapih kita lanai siangkaaen , ijjendam masuk jarum perpecahen Belanda . Tapi untung kang kalakm Karo dungna ngerti politik busuk Belanda enda , emakana dungna kalak Karo dungna enggo reh ukurna muluihi persada ukur .
Jadi sini kataken kalak 7 (Tujuh) terpok orat nggeluh kalak Karo, ija enda pe relatif ras samar emkap ken :

  1. Terpok/Wilayah Karo Timur, termasuk ije kecamaten- kecamaten:
    1. Lubuk Pakam
    2. Bangun Purba
    3. Galang Gunung Meriah (termasuk Kabupaten Deli Serdang)
    4. kecamaten Dolok Silauras
    5. kecamaten Silima Kuta (Simalungun).
  2. Terpok / Wilayah Karo Dusun, termasuk ije kecamatan-kecamatan :
    1. Biru-Biru
    2. Tanjongmorawa
    3. Hamparan Perak
    4. STM Hilir
    5. STM Hulu
    6. Kutambaru
    7. Sunggal
    8. Pancurbatu
    9. Sibolangit
    10. Namborambe
  3. Terpok/ Wilayah Karo Langkat :
    1. Bahorok
    2. Batangsarangan
    3. Salapian
    4. Stabat
    5. Binjai
    6. Selesai
    7. Lau (Sungai) Bingai
    8. Kuwala.
  4. Terpok/Wilayah Karo Baluren. Termasuk bas kecamaten-kecamaten:
    1. Tanah Pinem
    2. Tigalingga
  5. Terpok/Wilayah Karo teruh Deleng, termasuk ije ibas kecamaten-kecamaten:
    1. Payung
    2. Simpang Empat
    3. Kutabukuh
    4. Mardingding
  6. Terpok/Wilayah Karo Singalor lau , termasuk ije kecamaten-kecamaten:
    1. Juhar
    2. Tigabinanga
    3. Munte
  7. Terpok/Wilayah Karo Kenjulu, termasuk ije kecamaten- kecamatan:
    1. Berastagi
    2. Kabanjahe
    3. Tigapanah
    4. Barusjahe (ras Merek Sekelewetna)

Bageme gelah enggo sieteh kerina sebagai kata persinget ngenda ngenca, lang kampe kuakap itehndu nge kerna sibage rupana, ulanai kita sikengen kerna adat nggeluh kita kalak Karo berbeda beda cara pengodakken ras pengolekenca, saja ngenca i ntinjau balinge ia, saja lit perbedaen ngelaksanakenca sitik-sitik, gia ningen banci jadi perjengilen, sebab lit istilah bas Adat nggeluh mbar berita emekapken: “Gelarna nge teku lang nina (e mberet kal e adina la i ikuti katana e)”.
Ekap makana nikatakan bas cakap adat: “Uga litna bage i baba”, “Uga adatna bage ni dalanken “. Misalna adina lit sekalak anak perana ia nggeluh ibas Terpok Wilayah Karo Kenjulu atena ngempoi diberu terpok/wilayah Karo Timur, maka sue ras adat nggeluh mehamat erkalimbubu kerjana e ibahan ngikuti bagi siniaturken Adat nggeluh Terpok Karo Timur kai nina ipesikap, labo banci ipaksaken bagi adat kegeluhen Karo Kenjulu asal kutana e. ( Ngajarsa Sinuraya)

cataten : terpok bali ertina ras kata terpuk.

Incoming search terms:

  • kata kata kalak karo (82)
  • kata kalak karo (28)
  • mengket rumah mbaru (5)
  • adat mengket rumah (4)
  • orat nggeluh (2)
  • Berita terkini singalor lau (2)
  • buku kalak karo (2)
  • acara bengket rumah (1)
  • orat nggeluh kalak karo (1)
  • proses acara mengket rumah mbaru (1)
Share it:

Speak Your Mind

*